Texnikum
Texnikum tarixi.
Yangiyer shahar meditsina sanitariya qismi shifokori Shayzakov Alimqul tashabbbusi bilan O’zbekiston Respublikasi Sog’liqni saqlash vazirligining 1984 yil 29 maydagi №692 sonli buyrug’iga asosan Yangiyer shahar Loyihachilar ko’chasida Yangiyer tibbiyot bilim yurti tashkil etilgan. Dastlab “Hamshiralik ishi’ yo’nalishi bo’lib, Mirzacho’l yoshlari tahsil ola boshlagan va o’rta tibbiyot xodimlarini yetishtirib chiqara boshlagan.
Bilim yurtining birinchi direktori Shayzakov Alimkul Shayzakovich.
Keyinchalik bilim yurtiga shifokor Kenjayev Fayzulla Kenjayevich rahbarlik qildi.
O’zbekiston Respublikasi Oliy va o’rta maxsus kasb-hunar ta’limi markazining 2004 yil 24 yanvardagi №16 sonli buyrug’iga asosan Yangiyer tibbiyot bilim yurti Yangiyer tibbiyot kolleji nomi bilan faoliyat yurita boshladi. 2005 yil Yangiyer shahar T.Malik mahallasi Paxtakor ko’chasi 1 uyda joylashgan yangi binoga ko’chib o’tdi. Kollej maydoni 3.20 ga. 60 o’rinli barcha qulayliklarga ega “O’quvchilar turar joyi” mavjud. Kollej “Hamshiralik ishi, “Davolash ishi”, “Akusherlik ishi” , “Stomatologiya”, “Laboratoriya ishi”, “Farmatsiya”, “Tibbiy profilaktika ishi” yo’nalishlari bo’yicha o’rta bo’g’in tibbiyot xodimlarini tayyorlab yetishtirgan.
O’zbekiston Respublikasi Prezidentining 2023 yil 20 iyundagi “Ma’muriy islohotlar doirasida davlat boshqaruvini samarali tashkil etish to’g’risida”gi PQ-197 sonli qarori va O’zbekiston Respublikasi Sog’liqni saqlash vazirligining 2023 yil 24 iyuldagi №173 sonli buyrug’iga asosan Yangiyer Abu Ali ibn Sino nomidagi jamoat salomatligi texnikumi sifatida tashkil etildi. Hozirgi kunda “Hamshiralik ishi, “Feldsherlik ishi”, “Stomatologiya ishi”, “Funksional diagnostika ishi”, “Farmatsiya” yo’nalishlari mavjud. Ta’lim davomiyligi 3 yil. O’qish to’lov-kontrakt asosida.
Texnikumda 36 nafar pedagog-o’qituvchilar faoliyat yuritib, 9 nafar yetakchi o’qituvchi, 1 nafar bosh o’qituvchi, 4 nafar katta o’qituvchi, 2 ta fan nomzodi, 20 nafar oliy ma’lumotli o’qituvchilar talabalarga ta’lim tarbiya berib kelmoqda.
ТЕХНИКУМ ПАСПОРТИ
| Манзили | Сирдарё вилояти Янгиер шахри Пахтакор кўчаси 1 уй |
| Бино қурилган йил | 2004 йили қайта реконструкция қилинган |
| Қуввати | 1340 ўринли |
| Ўқувчилар сони | 420 нафар |
| Бинолар сони | 2 та |
| Ер майдони | 3,9 га |
| Ўқув майдони | 4197,26 м2 |
| Ўқув хоналари сони | 80 та |
| Ётоқхона | 60 ўринли |
| Спорт зал | 30х18 |
| Ошхона (Буфет) | 60 ўринли |
| Қайси вазирлик (идора) тизимида | Соғлиқни Сақлаш Вазирлиги |
| Қайси ОТМ ҳузурида |