1-7 avgust kunlari dunyo bo’ylab Butunjahon ona suti bilan oziqlantirish haftaligi bo’lib o’tadiHukumat qarori: nima uchun tibbiyot tashkilotlarini lisenziyalash va akkreditasiyalash tizimi takomillashtirilmoqda?
Joriy yil 24 iyulda Vazirlar Mahkamasining «O’zbekiston Respublikasi Sog’liqni saqlash vazirligi huzuridagi tibbiyot tashkilotlarini lisenziyalash va akkreditasiyalash markazi faoliyatini tashkil etish chora-tadbirlari to’g’risida»gi qarori qabul qilindi.
Xo’sh, bu hujjatni qabul qilish uchun qanday zarurat bor edi?
Tibbiyot tashkilotlarini lisenziyalash va akkreditasiyalash markazi direktori Jahongir Haqberdiev shu haqda batafsil ma’lumot berdi:
— Respublikamizda tibbiyot sohasini rivojlantirishga doir islohotlardan ko’zlangan asosiy maqsad tibbiy xizmat sifatini oshirish hamda aholi har bir qatlamining zarur tibbiy xizmatlardan foydalanishi uchun keng imkoniyat yaratishdir. Bu esa bir qator omillarga bog’liq.
2017 yilda avval shug’ullanish taqiqlangan barcha xirurgik ixtisosliklar va boshqa tor tibbiy yo’nalishlar bo’yicha xususiy tibbiyot muassasalariga faoliyat yuritish uchun ruxsat berilishi tarixiy qadam bo’lgan.